Heimafimleikur

Share on facebook
Deil

Heimafimleikurin er eitt tilboð til tín, sum hevur limahald til Mensendieck online venjingarnar á www.mensendieck.fo

Heimafimleikurin kann hoyrast í 15 minuttir gerandisdagar kl.7, kl.10 og kl.18. Skráin broytist hvørja viku.
Leygardag er fimleikurin í 30 minuttir frá kl.9.30 til kl.10.
Tað eru venjingarnar frá somu viku og vikuni frammanundan, sum eru lagdar saman.

Fimleikurin kann vera eitt ískoyti ella eitt alternativ til video-venjingarnar, sum longu eru á síðuni. Venjingarnar eru eitt bland av somu venjingum, sum finnast sum video-venjingar og ljóðfílur á mensendieck.fo og av venjingum, sum ikki eru tøkar á síðuni enn, men sum eru ávegis. Venjingarnar eru ofta styttar og viðhvørt broyttar í mun til video- og ljóðfíluvenjingarnar og hava ikki altíð eins nógvar frágreiðingar.

Ivast tú í útinningini av onkrari venjing í heimafimleikinum, sært tú á samsvarandi video-venjing, hvussu venjingin skal gerast. 

Far ongantíð longur enn til pínumarkið

VIKA 20 Leygardagur

 

Í dag fært tú brúk fyri einum undirlagi og einum stóli ella krakki við hørðum setri.

Harafturat er gott at hava nakrar koddar klárar um neyðugt, tveir smáar flatar koddar, og eina hyndu. Hevur tú ikki smáar koddar, kunnu samanløgd handklæði brúkast í staðin, og í staðin fyri hynduna kann til dømis ein tjúkkur koddi, eitt samanrulla teppi e. l. brúkast. Ein skrákoddi, ella ein tjúkkur koddi, er góður at leggja undir endan í aðru venjing. 

 

Til triðju venjingina fært tú brúk fyri einum elastikki, men eitt belti ella turriklæði e.l. kann eisini brúkast.

 Tað er altíð ein fyrimunur, um tú hevur sæð video av venjingunum áðrenn, men tær kunnu gerast uttan.

Venjingar

  1. venjing stabiliserar mjadnarliðirnar. Video nr. 8 fyri mjadnarliðir.

  2. venjing mýkir strukturarnar runt mjadnarliðirnar. Video nr. 4 fyri mjadnarliðir.

  3. venjing er eitt strekk av lærvøddunum aftan. Video nr. 6 fyri knøini.

  4. venjing er ein liggjandi andadráttsvenjing við armsirkli. Videovenjingin er ávegis.

  5. venjing er eitt liggjandi strekk av bringuvøddunum. Video nr. 3 fyri akslar.

  6. venjing styrkir ovaru ryggvøddar, liggjandi á búkinum. Video nr. 4 fyri akslar.

  7. venjing er ein knæbending, liggjandi á búkinum. Video nr. 2 fyri knøini.

  8. venjing mótvirkar niðursjúnkaðum framfóti. Video nr. 8 fyri føtur.

  9. venjing mýkir og styrkir kappavøddan, sitandi. Video nr. 1 fyri akslar.

  10. venjing er ein vegleiðing í at rætta fótburðin. Videovenjing er ávegis.

Shopping Cart
Scroll to Top