Tá-gongd aftureftir

Gongd aftureftir á tá, við hondunum á mjadnarkantunum.
Balansuvenjing við vektflyting aftureftir.
Týdningarmikið: ”Á tá” merkir her, at kropsvektin skal vera á bøllunum á framfótunum, also ikki heilt uppi á tá. Avbjóðingin er at halda kokuna stabilari í miðjuni og at halda balansuni, ímeðan tú flytur vektina aftureftir.

UM VENJINGARNAR Í HESUM BÓLKINUM
Til tín, sum vil hava fleiri avbjóðingar!
Umframt okkara føroysku venjingar, hava vit 60 mensendieck venjingar við danskari  talu, sum vit í løtuni umseta til føroyskt. Fyri at haldarar okkara skulu fáa gleði av teimum, ímeðan vit arbeiða við umsetingini, hava vit fyribils lagt 9 av teimum inn á síðuna við donsku taluni. Venjingarnar styrkja kroppin, tær strekkja kroppin, tær venja balansu og koordinatión alla tíðina havandi rættan kropsburð í huga, og tær krevja eitt sindur meira av tær sum íðkara. So hvørt føroysk tala til eina venjing er klár, verður hon løgd inn í staðin fyri ta donsku. 

Vegleiðingar til nøkur av hugtøkunum, sum verða nevnd í venjingini, eru í venjingarbólkunum her á síðuni:
“Parallelle fødder” Sí ”Fótburðurin í standandi útgangsstøðuni” í venjingarbólkinum “Útgangsstøður” her á síðuni.
”Ånd langsomt og roligt ind . .” Sí ”Ljóðleysur andadráttur” í venjingarbólkinum ”Andadráttur”.
“Medianplan” Hugsaður skilaveggur tvørtur ígjøgnum kroppin, aftur og fram, sum deilir kroppin í tvær hálvir.
“Frontalplan” Hugsaður skilaveggur ígjøgnum kroppin frá síðu til síðu, sum deilir kroppin í ein fremra part og ein aftara part.
”Peroneuspres” kemur somuleiðis í ”Útgangsstøður”.
”Knæskalsløft” Sí ”Knæburðurin í standandi útgangsstøðuni” í ”Útgangsstøður”.
”Medius” og “Adduktorerne”  Vegleiðing kemur í  venjingarbólkin ”Útgangsstøður”. Men við at føturnar venda beint fram, eru adduktorarnir automatiskt eitt sindur spentir. Sí eisini “Stabilisering av liðunum” og/ella “Mjadnarliðir; venjing nr. 8” í venjingarbólkinum “Mjadnarliðir”.
“Sædemuskelen” Sí “Ryggur; venjing nr. 6” í venjingarbólkinum “Ryggur”.