Mensendieck Føroyar
Við limahaldi hevur tú atgongd til online venjingarnar, sum eru á mensendieck.fo.
Fyrsta stigið til at rætta kroppsburðin heima.
Vit hava bólkað nakrar videovenjingar bygdar á mensendieck fimleik, so at tú kanst venja heima eftir videovegleiðing frá mensendiecklærara.
Venjingarnar verða gjørdar í seinum tempo, tær eru lættar at gera, og tær eru sera effektivar. Øll kunnu verða við.
Vel tær venjingarnar, sum tú hevur hug at gera, og ger venjingarnar, tá ið tað passar tær.
- Til tín, sum merkir møði ella pínu í rygginum: Venjingar sum loysa spenningar í ryggvøddunum.
- Til tín sum hevur trupulleikar í akslum og nakka: Venjingar fyri spentar akslar.
- Til tín sum byrjar at merkja knøini: Venjingar sum styrkja knøini.
- Til tín sum hevur sjúnkaðar føtur: Venjingar sum lyfta føturnar aftur.
- Og til tín sum hevur veikan kokubotn: Venjingar sum styrkja kokubotnin.
Venjingarnar eru eisini til tín, sum bara vil røkja kroppin og halda vøddarnar viðlíka. Og ikki minst tín, sum vil fyribyrgja at kroppurin stirvnar og slítist óneyðugt.
Venjingarnar eru væl egnaðar sum ískoyti til tín, sum íðkar ítrótt. Og ikki minst eru venjingarnar til tín, sum vil hava betri kropsburð. Summar av venjingunum eru beinleiðis kroppsrættandi, ímeðan aðrar venja vøddar, sum stuðla tilgongdini at rætta kropsburðin.
Venjingarnar eru eisini fyrireiking til tær venjingar sum koma í næstum, ið beinleiðis rætta kropsburðin.
Gev gætur! Mensendieck fimleikur broytir kroppin. Ger tær sjálvum – og okkum – tann beina at lesa ´Kundatryggleiki og treytir´ áðrenn tú teknar limahald. Takk fyri.
Føtur
Knø
Ryggur
Akslar
Mjadnarliðir
Kokubotnur
Hetta er bara byrjanin.
Í hesi fyrstu útgávuni eru allar venjingarnar lutfalsliga lættar. Ætlanin er so við og við at leggja venjingar afturat, bæði lættar og meira samansettar og krevjandi. Ætlanin er eisini seinni at gera/vísa venjingar, sum beinleiðis rætta kompenseringar vegna skeivt kropsbrúk og/ella viðføddar skeivleikar.
Umframt venjingarbólkarnar í hesi fyrstu útgávuni, ryggur, akslar, knø, føtur, mjadnarliðir, kokubotnur og hvíld er ætlanin at gera fleiri bólkar við venjingum eitt nú fyri nakkan og høvdið, armarnar, balansuna, barnakonur og arbeiðsrørslur fyri bert at nevna nakrar.
Tekna teg til tíðindabrævið og fá boð tá nýggjar dagføringar og venjingar verða gjørdar.
Hevur tú spurningar ella viðmerkingar?
Hevur tú brúk fyri vegleiðing?
Skriva til malanthomsen@mensendieck.fo
