Ljóðfílan varir uml. 15 minuttir og er eitt bland av venjingum á www.mensendieck.online
Styttingar og aðrar smærri broytingar, samanborið við videovenjingarnar, kunnu koma fyri.
Skráin broytist hvørja viku.
Ivast tú í útinningini av onkrari venjing í heimafimleikinum, sært tú á samsvarandi videovenjing, hvussu venjingin skal gerast. Tað er ein fyrimunur, um tú hevur hugt at videovenjingini áðrenn, og lisið ella lurta eftir kunningini, sum fylgir við venjingarbólkunum og hvørjari venjing sær.
Far ongantíð longur enn til pínumarkið.
Hesa vikuna fært tú brúk fyri einari máttu, einum stóli og einum lastikki. Í staðin fyri lastikk kann eitt belti, eitt slips ella líknandi brúkast.
Hav eisini tveir smáar koddar klárar, um tú fært brúk fyri teimum í aðru venjing. Í staðin fyri smáar koddar, kunnu eitt nú samanløgd handklæði brúkast.
1. venjing er ein liggjandi kokuvaggan. Video:Liggjandi kokuvaggan (Ryggur).
2. venjing styrkir vøddar, sum stabilisera mjadnarliðir. Video:Stabilir mjadnarliðir I (Mjadnarliðir)
3. venjing er ein fótvenjing, gjørd sitandi á einum stóli. Video:Rætta stórutá við lastikki (Føtur).
Nøvnini í klombrum vísa til bólkin við somu venjing á video.