Heimafimleikurin er at hoyra 15 minuttir hvønn dag frá mánadegi til og við sunnudag kl. 7, kl. 10 og kl. 18.
Skráin broytist hvørja viku.
Hesa vikuna fært tú brúk fyri eini máttu, einum stóli og einum elastikki. Í staðin fyri elastikk kann eitt belti, eitt slips ella líknandi brúkast. Hav eisini tveir smáar koddar klárar, um tú fært brúk fyri teimum í aðru venjing. Í staðin fyri smáar koddar, kunnu eitt nú samanløgd handklæði brúkast. Hav evt. ein tjúkkan kodda at leggja undir knæið, um tað ikki røkkur niður á gólvið í aðru venjing.
1. venjing er ein liggjandi kokuvaggan. Video-venjing nr. 2 fyri ryggin.
2. venjing styrkir vøddar, sum stabilisera knæliðir og mjadnarliðir. Video-venjing nr. 1 fyri knø og nr. 7 fyri mjadnarliðir.
3. venjing er ein fótvenjing, sum verður gjørd sitandi á einum stóli. Video-venjing nr. 5 fyri føtur.
