Heimafimleikurin er at hoyra 15 minuttir hvønn dag frá mánadegi til og við sunnudag kl. 7, kl. 10 og kl. 18.
Skráin broytist hvørja viku.
Til venjingarnar hesa vikuna skalt tú brúka:
Eina máttu at liggja á og ein stól við hørðum setri. Tú fært møguliga eisini brúk fyri einum elastikki ella onkrum líknandi, um tú ikki røkkur at halda um fótin í aðru venjing.
1. Liggjandi armlyft við bringuvøddunum. Video-venjing nr. 2 fyri akslarnar.
2. Strekk av lærvøddunum framman. Video-venjing nr. 7 fyri knøini.
3. Brot úr: Viðlíkahald av kokubotninum, ljóðfíla nr. 6 (frá 7min10sek–10min45sek)
Venjingin styrkir kokubotnin, tá ið tú setur teg niður og reisir teg upp.
4. Framhald frá síðstu viku um fótburðin og er ein vegleiðing í javnari vekt á fótunum.
Video við fótburðinum er í bólkinum við útgangsstøðum.
