Heimafimleikurin kann hoyrast alt samdøgrið!
Skráin broytist hvørja viku.
Til venjingarnar hesa vikuna skalt tú brúka:
Eina venjingarmáttu, ein skrákodda ella vanligan kodda at leggja undir endan í aðru venjing, og eitt lastikk at strekkja vøddarnar við í triðju venjingini. Tey svørtu lastikkini eru sterkari og egna seg best til beinstrekk. Um tú hevur tað reyða lastikkið, skal tað í minsta lagi leggjast dupult, fyri at tað skal halda. Hevur tú ikki lastikk, kanst tú brúka eitt belti, slips, turriklæði ella líknandi, tað skal bara vera nóg langt til at røkka runt um fótin. Hevur tú einki at seta í staðin, skalt tú bara gera venjingina uttan lastikk, sum í Video:Strekk av flexorunum I (Knø)
1. Løtt og effektiv styrkivenjing av mjadnarliðum. Video:Stabilir mjadnarliðir II (Mjadnarliðir).
2. Rotatión í mjadnarliðunum. Video:Rotatión í mjadnarliðunum (Mjadnarliðir).
3. Strekk av lærvøddunum aftan við lastikki. Video:Strekk av flexorunum II (Knø).
4. Fótvenjing sum lyftir fótbogarnar og sjúnkaðar framføtur. Video: Lyft av fótbogunum I (Føtur).
5. Vegleiðing í at venda føturnar anatomiskt rætt. Video:Føtur og útgangsstøðan (Útgangsstøður).
Navnið í klombrum vísir til venjingarbólkin við samsvarandi videovenjing.