Les meiri her
Lyft av fótbogunum I
Lyft av fótbogunum I
Styrkivenjing av vøddunum sum lyfta fótbogarnar og sum fyribyrgja, at framfóturin sjúnkar.
UM VENJINGARNAR FYRI FØTURNAR
Føturnar bera alla kropsvektina.
Vælvirkandi føtur eru sterkar, elastiskar, heitar, liðiligar og pínufríar.
Fótbeinagrindin vigar bert umleið 100 gram, men hon kann bera nógvar hundrað ferðir sína egnu vekt.
Tað, sum ger tað møguligt, eru 24 vøddar, sum halda teimum 26 smáu beinunum í fótinum, 33 liðunum og yvir 100 liðbondunum í eini sera sterkari bygningskonstruktión.
Fótkonstruktiónin hevur ein longdarboga og ein tvørboga, sum geva fótinum brúgvaskap.
Ein vælvirkandi, sterkur og liðiligur fótur krevur, at fótbogarnir eru intaktir, so at liðbond, vøddar, bindivevnaður, nervar, æðrar og aðrir bleytlutir hava pláss at virka undir fótinum, sum teir skulu.
Í staðin fyri at tryggja góðar umstøður, eru flestu skógvar tíverri soleiðis, at teir kleima føturnar og kunnu ávirka fótkonstruktiónina. Um framfóturin sjúnkar, verður ov lítið pláss undir fótinum til bleytlutirnar at virka, sum teir skulu. Trupulleikar í fótunum kunnu vera tekin um, at fótkonstruktiónin er við at missa skap og styrki.
Føtur, sum ikki virka, ávirka allan kroppin neiliga.
Tíbetur ber til at venja vøddarnar á fótunum og heilt ella partvís at rætta fótkonstruktiónina aftur.
VENJINGAR
Venjingarnar her á síðuni fevna um allar vøddarnar á fótunum. Tær virka uppá nógvar kendar trupulleikar í fótunum, eitt nú sjúnkaðar føtur, hallux valgus, kaldar føtur, stívar føtur, hovnar føtur og pínufullar føtur.
Raðfestingin av venjingunum er soleiðis, at tríggjar tær fyrstu hita og mýkja vøddarnar, so at tær seinnu venjingarnar verða lættari at gera og meira effektivar.
Venjingarnar styrkivenja vøddarnar, so at føturnar orka at bera kropsvektina uttan at sjúnkað.
GG
Strukturarnir í fótunum eru smáir og viðbreknir, umframt at tørvurin hjá hvørjum einstøkum er ymiskur, so far varliga fram.
Um tú fært krampa í fótvøddarnar av venjingini, halt so pausu og royn aftur seinni. Um venjingarnar verða gjørdar regluliga, hvørvur ella minkar krampin so við og við.
Ein av venjingunum krevur, at tú rundar ryggin, ímeðan fóturin skal upp á mótsetta knæ í eini aðrari.
Eru hesar støður ov truplar, eru alternativar venjingar, sum eru lættari at gera, men sum venja somu vøddar.
Merkir tú ongan aktivitet í vøddunum, nýtist tær ikki at missa mótið. Tað er heilt vanligt, at fótvøddarnir ikki akta og gera rørsluna beinanvegin. Heldur tú á, vilt tú fyrr ella seinni merkja og síggja vøddarnar arbeiða.
- Í hesum bólkinum eru venjingar, ið styrkja vøddarnar rundan um nakrar av mest útsettu liðunum í kroppinum, og venjingar, sum beinleiðis rætta kropsburðin.
- Tað er lættari hjá einum við hypermobilum liðum ótilvitað at fara útum javnvágina í liðunum. Tá hevur tað serligan týdning fyri kropsburðin at venja anatomiskt rætta ´Útgangsstøðu´.
- Hevur tú hypermobilar liðir, ræður tað um at stabilisera liðirnar við at styrkja vøddarnar rundan um liðirnar, og harvið at sleppa undan belastningi uttast á liðflatunum.
- Mensendieck venjingar hava longu innbygdar avmarkingar, júst fyri at forða fyri ov stórum rørslum í liðunum. Tí er fimleikurin serliga væl egnaður til tín, sum hevur ein ella fleiri hypermobilar liðir.
- Ov stórur belastningur uttarliga á liðflatunum kann við tíðini hava slit við sær.
- Við mensendieck fimleiki lærir tú at halda liðirnar í javnvág bæði í hvíld og í rørslu.
- Við øðrum orðum verða dagligu rørslurnar gjørdar til “fimleik”, sum styrkir vøddar og liðir í staðin fyri at slíta teir.
- Við tilvitað at halda liðunum í javnvág fyribyrgir tú sliti, pínu og øðrum trupulleikum, samstundis sum tú styrkir liðir og vøddar.