Les meiri her
Styrkivenjing av quadriceps
Styrkivenjing av quadriceps
Styrkivenjing av musculus quadriceps femoris, sum strekkir knæið. Knæskelin er vavd inn í sterku vøddasinuna á quadriceps.
Staðsetingin av knæskelini kann ávirkast alt eftir javnvág og styrki í quadriceps.
UM VENJINGARNAR FYRI KNØINI
Venjingarnar fyri knøini styrkja og fyribyrgja hjá tær við vælvirkandi knøum, kunnu steðga gongdini/versnanini og bøta um hjá tær við byrjandi knætrupulleikum, og venja uppaftur og fyribyrgja hjá tær, sum hevur fingið ella skal hava skurðviðgerð.
Hóast knøini hava størstu liðirnar í kroppinum og eru umgyrd av sterkum vøddum, so verða tey ofta ovbyrjaði.
Eitt nú hevur tað stóran týdning, hvussu kropsvektin hvílir niður á knøini, tá ið vit standa. Eru knøini yvirstrekt ella eru tey í javnvág, og/ella er eins nógv vekt á báðum beinum ella mest á øðrum beininum.
Tá lærleggirnir hvíla rætt niður á leggirnar, er kropsvektin jøvn niður á knøini, og tá er eisini javnvág í vøddum og liðbondum, sum virka um knøini. Eru knøini hinvegin yvirstrekt, ella er mesta vektin á øðrum knænum, verða liðirnir skeivt belastaðir. Í staðin fyri at vøddarnir bera kropsvektina, mugu liðbond, meniskar og aðrir strukturar í knænum gera arbeiðið hjá vøddunum. Tá eru knøini í vanda fyri at slítast skeivt.
Tá vit ganga og annars røra okkum, galda aðrar fysiskar og mekaniskar lógir fyri knøini, sum vit koma inn á seinni við fleiri venjingum.
-Í venjingarbólkinum ”Útgangsstøður” eru vegleiðingar til rættan anatomiskan kropsburð.
-Á forsíðuni undir ”Góð ráð” er eitt videobrot ´Knø í javnvág´ sum vísir, hvussu tú við eini lítlari rørslu koyrir knøini inn í javnvág.
GG
– Um tú merkir mun á beinunum í eini venjing, kanst tú gera eina eyka venjing við tí beininum, sum tørvar.
– Í onkrari venjing skal knæið boyggjast meira enn 90°. Í øðrum venjingum kemur fyri, at beinið skal togast yvirum miðjuna á kroppinum, ella at mjadnarliðirnir skulu boyggjast 90° ella meira. Ert tú í iva, vegna nýliga skurðviðgerð í knæi ella mjadnarliði, fylg vegleiðingini frá sjúkrahúsinum og bíða evt. við at gera viðkomandi venjing í skurðviðgjørdu síðuni.
- Í hesum bólkinum eru venjingar, ið styrkja vøddarnar rundan um nakrar av mest útsettu liðunum í kroppinum, og venjingar, sum beinleiðis rætta kropsburðin.
- Tað er lættari hjá einum við hypermobilum liðum ótilvitað at fara útum javnvágina í liðunum. Tá hevur tað serligan týdning fyri kropsburðin at venja anatomiskt rætta ´Útgangsstøðu´.
- Hevur tú hypermobilar liðir, ræður tað um at stabilisera liðirnar við at styrkja vøddarnar rundan um liðirnar, og harvið at sleppa undan belastningi uttast á liðflatunum.
- Mensendieck venjingar hava longu innbygdar avmarkingar, júst fyri at forða fyri ov stórum rørslum í liðunum. Tí er fimleikurin serliga væl egnaður til tín, sum hevur ein ella fleiri hypermobilar liðir.
- Ov stórur belastningur uttarliga á liðflatunum kann við tíðini hava slit við sær.
- Við mensendieck fimleiki lærir tú at halda liðirnar í javnvág bæði í hvíld og í rørslu.
- Við øðrum orðum verða dagligu rørslurnar gjørdar til “fimleik”, sum styrkir vøddar og liðir í staðin fyri at slíta teir.
- Við tilvitað at halda liðunum í javnvág fyribyrgir tú sliti, pínu og øðrum trupulleikum, samstundis sum tú styrkir liðir og vøddar.