Les meiri her
Stabilir mjadnarliðir II
Stabilir mjadnarliðir II
Styrkivenjing av musculus gluteus medius á uttaru síðu og adduktorarnir á innaru síðu av lærinum, sum stabilisera og halda mjadnarliðirnar og kokuna uppá pláss.
Somu vøddar verða vandir sum í “Stabilir mjadnarliðir I” men torleikastigið er lættari.
UM VENJINGARNAR FYRI MJADNARLIÐIRNAR
Venjingarnar fyri mjadnarliðirnar varðveita vælvirkandi mjadnarliðir og fyribyrgja sliti við at styrkja vøddarnar rundan um mjadnarliðirnar, venja tær náttúrligu rørslurnar í mjadnarliðunum, strekkja teir spentu strukturarnar í og rundan um mjadnarliðirnar, og stimbra og viðlíkahalda bróskið í liðunum.
Tað er ikki líkamikið, hvussu vit brúka mjadnarliðirnar, tá ið vit sita, standa, ganga og røra okkum annars. Um kropsvektin kemur niður gjøgnum kroppin, har beinagrindin og liðirnir eru sterkast, ella, um hon kemur skeivt niðurá, kann vera tað, sum avgerð, um mjadnarliðirnir slítast ella ikki.
Í venjingarbólkinum ”Útgangsstøður” eru vegleiðingar til rættan anatomiskan kropsburð, tá ið tú situr, og tá ið tú stendur.
Í venjingarbólkinum ”Ergonomi” eru vegleiðingar til rættan kropsburð við standiborð, og hvussu tú setir og reisir teg við røttum kropsburði.
Seinni koma fleiri venjingar við vegleiðingum til at brúka mjadnarliðirnar anatomiskt rætt í gerandisdegnum, so at liðirnir heldur enn at slítast, styrkjast av dagligu rørslunum.
GG
– Í summum venjingum verða mjadnarliðirnir boygdir 90° ella meira. Hevur tú nýliga fingið mjadnarprotesu, skalt tú bíða við at gera tær venjingarnar við skurðviðgjørda beininum, til tað er ráðiligt sambært vegleiðing frá sjúkrahúsinum.
– Er annað beinið trekari, spentari ella kennist tað tyngri enn hitt, kanst tú eftir tørvi gera eina eyka venjing við tí beininum.
- Í hesum bólkinum eru venjingar, ið styrkja vøddarnar rundan um nakrar av mest útsettu liðunum í kroppinum, og venjingar, sum beinleiðis rætta kropsburðin.
- Tað er lættari hjá einum við hypermobilum liðum ótilvitað at fara útum javnvágina í liðunum. Tá hevur tað serligan týdning fyri kropsburðin at venja anatomiskt rætta ´Útgangsstøðu´.
- Hevur tú hypermobilar liðir, ræður tað um at stabilisera liðirnar við at styrkja vøddarnar rundan um liðirnar, og harvið at sleppa undan belastningi uttast á liðflatunum.
- Mensendieck venjingar hava longu innbygdar avmarkingar, júst fyri at forða fyri ov stórum rørslum í liðunum. Tí er fimleikurin serliga væl egnaður til tín, sum hevur ein ella fleiri hypermobilar liðir.
- Ov stórur belastningur uttarliga á liðflatunum kann við tíðini hava slit við sær.
- Við mensendieck fimleiki lærir tú at halda liðirnar í javnvág bæði í hvíld og í rørslu.
- Við øðrum orðum verða dagligu rørslurnar gjørdar til “fimleik”, sum styrkir vøddar og liðir í staðin fyri at slíta teir.
- Við tilvitað at halda liðunum í javnvág fyribyrgir tú sliti, pínu og øðrum trupulleikum, samstundis sum tú styrkir liðir og vøddar.