Les meiri her
Kokan og útgangsstøðan
Kokan í útgangsstøðuni.
Kokan er útgangspunktið fyri anatomiskt rættan kropsburð. Tí hevur tað stóran týdning at halda kokuna rætt, bæði í samband við venjing, men eisini í dagligum rørslum.
UM VENJINGARNAR FYRI ÚTGANGSSTØÐUNA
Áðrenn vit gera eina rørslu ella eina venjing í mensendieck fimleiki byggja vit altíð eina anatomiska útgangsstøðu upp, sum skal haldast undir allari venjingini.
Í anatomisku útgangsstøðuni gera allir holdnings-vøddarnir júst tað, teir eru forritaðir at gera, at halda liðirnar í javnvág. Tá brúkar tú minst megi at halda kroppinum, og tá slítist kroppurin minst.
Við røttum kropsburði sum útgangsstøðu, fært tú eisini meira burtur úr eini venjing, tá tú venur ávísar vøddar og ávísar kropspartar, tí at holdningsvøddarnir eisini venjast samstundis. Vandin fyri at gera skeivar rørslur, sum belasta liðir og liðbond, er minni.
Útgangsstøðan kann tó kennast strævin í byrjanini, men hon skal sum allar aðrar rørslur venjast. Hon verður lættari at halda, jú oftari tú ert í henni, og so hvørt vøddarnir, sum halda kroppinum í javnvág, styrkjast.
Í hesum venjingarbólkinum eru vegleiðingar til júst tína anatomiskt røttu sitandi og standandi útgangsstøðu.
Vegleiðingar eru til anatomiskt rættan fótburð, knæburð, kokuburð, títt individuella ryggskap umframt sitandi og standandi útgangsstøðan. Fleiri vegleiðingar eru á veg.
- Í hesum bólkinum eru venjingar, ið styrkja vøddarnar rundan um nakrar av mest útsettu liðunum í kroppinum, og venjingar, sum beinleiðis rætta kropsburðin.
- Tað er lættari hjá einum við hypermobilum liðum ótilvitað at fara útum javnvágina í liðunum. Tá hevur tað serligan týdning fyri kropsburðin at venja anatomiskt rætta ´Útgangsstøðu´.
- Hevur tú hypermobilar liðir, ræður tað um at stabilisera liðirnar við at styrkja vøddarnar rundan um liðirnar, og harvið at sleppa undan belastningi uttast á liðflatunum.
- Mensendieck venjingar hava longu innbygdar avmarkingar, júst fyri at forða fyri ov stórum rørslum í liðunum. Tí er fimleikurin serliga væl egnaður til tín, sum hevur ein ella fleiri hypermobilar liðir.
- Ov stórur belastningur uttarliga á liðflatunum kann við tíðini hava slit við sær.
- Við mensendieck fimleiki lærir tú at halda liðirnar í javnvág bæði í hvíld og í rørslu.
- Við øðrum orðum verða dagligu rørslurnar gjørdar til “fimleik”, sum styrkir vøddar og liðir í staðin fyri at slíta teir.
- Við tilvitað at halda liðunum í javnvág fyribyrgir tú sliti, pínu og øðrum trupulleikum, samstundis sum tú styrkir liðir og vøddar.